02 Oct O cambio climático volta este trimestre aos centros educativos da provincia da Coruña #2

CLIMACO – 2023/24

O cambio climático volta este trimestre aos centros educativos da provincia da Coruña

A diagnose do clima actual e o coñecemento do cambio climático recente na provincia da Coruña será materia do primeiro trimestre deste curso 2023/24 para o alumnado de 3º e 4º da ESO dos centros de ensino coruñeses. O proxecto CLIMACO chega aos centros de Educación Secundaria Obrigatoria para dar a coñecer de primeira man os resultados dunha investigación pioneira no noso país, grazas ao apoio da Deputación da Coruña.

A necesidade de adaptación da poboación ao cambio climático é unha realidade que tamén afecta á poboación xuvenil. A Deputación da Coruña, consciente da importancia deste asunto, promove a terceira edición do proxecto CLIMACO nesta provincia para facilitar o coñecemento e a sensibilización necesaria xa dende as aulas. Nos cursos 2020/21 a 2022/23, preto de 2.500 alumnos e alumnas de ESO e de bacharelato beneficiáronse deste proxecto, .

Na Fase 4 do proxecto CLIMACO ampliarase o Atlas do Clima e o Atlas do cambio climático recente da provincia da Coruña, entre outras actividades.

Coa fin de facilitar a comprensión sobre o alcance do fenómeno do cambio climático aos mozos e mozas da provincia da Coruña, a Fundación Matrix levará a cabo no curso 23-24 esta actividade de carácter totalmente gratuíto nos centros interesado.

Así, un dos investigadores responsables do proxecto CLIMACO impartirá unha charla divulgativa para alumnado de 3º e 4º de ESO, e a Fundación Matrix ofrecerá ademais a posibilidade de que as rapazas e rapaces participen con él nun coloquio.

Información

A participación nesta actividade, que se desenvolve en horario lectivo, é completamente gratuíta. A actividade realizaráse de forma ou presencial.

Compromiso social e contribución aos ODS

A Fundación Matrix lidera e desenvolve a investigación do cambio climático en Galicia cun proxecto pioneiro como CLIMACO, amosando en particular o seu firme compromiso cos Objetivos de Desenvolvemento Sostible (ODS) de Nacións Unidas, concretamente o ODS 13, Acción polo Clima e o ODS 4, Educación de calidade, coñecida a vulnerabilidade da poboación humana ao cambio climático.

O proxecto CLIMACO – 2023 aborda a problemática do cambio climático na provincia da Coruña froito dunha investigación pioneira en España e co apoio da DEPUTACIÓN DA CORUÑA.