17 Dic O cambio climático chegará o vindeiro trimestre aos centros educativos da provincia da Coruña

CLIMACO

O cambio climático chegará o vindeiro trimestre aos centros educativos da provincia da Coruña

 

A diagnose do clima actual e o coñecemento do cambio climático recente na provincia da Coruña será materia do segundo trimestre deste curso 20-21 para o alumnado de 3º e 4º curso da ESO dos centros de ensino públicos. O proxecto CLIMACO chegará aos institutos para dar a coñecer de primeira man os resultados dunha investigación pioneira no noso país, grazas ao apoio da Deputación da Coruña.

 

 

A necesidade de adaptación da poboación ao cambio climático é unha realidade que tamén afecta á poboación xuvenil. A Deputación da Coruña, consciente da importancia deste asunto, promove o proxecto CLIMACO nesta provincia para facilitar o coñecemento e a sensibilización necesaria xa dende as aulas.

Coa fin de facilitar a comprensión sobre o alcance do fenómeno do cambio climático aos mozos e mozas da provincia da Coruña, a Fundación Matrix levará a cabo no segundo trimestre do curso 20-21 acción de difusión de carácter totalmente gratuito nos institutos públicos de ensino secundario que así o soliciten.

Así, o investigador responsable do proxecto CLIMACO, Alberto González, impartirá unha charla divulgativa para alumnado de 3º e 4º curso da E.S.O. e a Fundación Matrix ofrecerá ademáis a posibilidade de que as rapazas e rapaces participen con él nun coloquio online en directo.

Información e inscricións

A participación nesta actividade é completamente gratuíta. No mes de xaneiro de 2021 a Fundación Matrix abrirá o prazo formal de inscricións e facilitará o calendario para axendar as actividades en horario lectivo nos distintos centros. Ata entón, os centros educativos que o desexen poden contactar xa a través do buzón educacion@fundacionmatrix.es para anticipar a súa reserva de solicitude.

Para garantir a seguridade na situación de alerta pola COVID-19, a Fundación Matrix desenvolverá todas as actividades de xeito telemático, tratando de facilitar ao máximo o encadre nas axendas escolares conforme á programación dos distintos centros.

 

 

Compromiso social e contribución aos ODS

A Fundación Matrix lidera e desenvolve a investigación do cambio climático en Galicia cun proxecto pioneiro como CLIMACO, amosando o seu su firme compromiso cos Objetivos de Desenvolvemento Sostible (ODS) de Nacións Unidas, concretamente o ODS 13, Acción polo Clima e o ODS 3, Saúde e benestar social, coñecida a vulnerabilidade da poboación humana ao cambio climático.

O proxecto CLIMACO aborda a problemática do cambio climático na provincia da Coruña froito dunha investigación pioneira en España e co apoio da DEPUTACIÓN DA CORUÑA.

Contido actualizado: 17/12/20

Sin Comentarios

Publica un comentario

Este sitio usa Akismet para reducir el spam. Aprende cómo se procesan los datos de tus comentarios.

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies, clicar el enlace para mayor información.

ACEPTAR
Aviso de cookies