30 Abr Crece o equipo de I+D+i da Fundación Matrix co talento novo de 25 persoas

Crece o equipo de I+D+i da Fundación Matrix co talento novo de 25 persoas

Tras un proceso de selección e contratación desenvolto con criterios de igualdade, o 29 de maio de 2022 incorporáronse 25 persoas menores de 30 anos ao equipo de investigación da Fundación Matrix, Investigación y Desarrollo Sostenible, entidade beneficiaria  do Programa INVESTIGO dá Xunta de Galicia, financiado  pola Unión Europea –  Next   Generation  EU. Mozos e mozas en situación de procura de emprego en Galicia de diferentes titulacións participarán durante 12 meses nos proxectos de I+D+i que desenvolverá la Fundación  Matrix.

Son 12 mulleres e 13 homes cun total de 12 titulacións de grao diferentes. Hai 13 mozos cun grao da área de Ciencias e Enxeñería (Bioloxía, Física, Ciencias Ambientais, Enxeñería Forestal, Enxeñería Agronómica) e 12 cun grao da área Social (Xeografía, Educación Social, Ciencia Política, Criminología, Dereito, Psicoloxía, Traballo Social). En 12 casos contan cun título de Máster.

Todas estas persoas recibiron a benvida do equipo da Fundación Matrix o 29 de maio de 2022 ás 8:00 am. Comezaba unha xornada dedicada á integración e acollida deste novo persoal investigador contratado grazas ao Programa INVESTIGO. Dun modo participativo e adaptado ás inquietudes e suxerencias deste novo persoal, planificáronse e realizaron un conxunto de actividades. Eva Fernández, Traballadora Social da Fundación Matrix, liderou e coordinou con habilidade e acerto varias actividades de interacción intragrupal.

Un crecemento de 25 persoas no equipo cun comezo sincrónico require unha organización e esforzo operativo considerables. Mediante diferentes dinámicas participativas procedeuse á presentación, coñecemento e interacción neste grupo de mozos e mozas. Este proceso de facilitación contou cunha valiosa contribución de todo o grupo. Permitiu crear confianza e un ambiente adecuado, establecer comunicacións ilusionantes, sentir que teñen compañeiros e compañeiras poden axudar e tamén todas e cada unha das persoas teñen capacidades que sumar.

O grupo de mozos e mozas durante unha actividade dinamizadora na Praza Miralles do Campus da Universidade de Vigo.

Entre as actividades destacou unha promovida por un novo especialista en Ciencias Ambientais e Educación ambiental, que “estivo moi ben para coñecer os campos de coñecemento individual“, en palabras dunha integrante do grupo. Subliñou o valor  superlativo do traballo en equipo, da cooperación eficaz, da planificación e interacción coordinada cara á consecución das metas planeadas.

O grupo saíu reforzado, e tamén todos e cada un dos seus membros. Intégranse así nunha organización especializada, cunha historia de éxitos e un futuro ambicioso. A Fundación Matrix conta cun Sistema de Xestión de Calidade, que procura a mellor xestión posible das actividades de investigación, do persoal e dos retos de difusión e comunicación. A Fundación Matrix posúe unha historia de xestión laboral sen mácula, intachable. Hai investigadores que, tras a súa etapa na organización, realizan o seu doutoramento, ocupan unha posición docente universitaria ou postos de traballo en empresas tecnolóxicas e doutro tipo.

PROXECTOS DE I+D

Javier Montalvo, Profesor de Ecoloxía da Universidade de Vigo e Director da Fundación Matrix, expuxo brevemente parte dos programas e proxectos de investigación que desenvolverá a Fundación durante 2022 e 2023. Resumiu as liñas e actividades de investigación afíns desenvolvidas en Galicia ou desde Galicia nas que participará este grupo de investigadores.

Inclúen entre outros:  MAYORSIG, que aborda o condicionantes socio-ambientais da lonxevidade poboacional; DEMOS, que investiga os factores xeoespaciais determinantes da esperanza de vida e a dinámica poboación en España;  BRELA, que examina as diferenzas territoriais nas brechas laborais de xénero no emprego e desemprego;  PAISIG, que aproveita as oportunidades da  Teledetección para o coñecemento da paisaxe e conservación dos espazos naturais protexidos;  CLIMVAC, un proxecto que  mapea de forma pioneira e con alta resolución o cambio climático observado en España;  IMPACTSIG, que identifica as oportunidades de redución de emisións de CO₂ en diferentes territorios. Tamén presentou AGRIECO, un novo proxecto de I+D que avaliará como a agricultura ecolóxica benefíciase da diversidade biolóxica e axuda á súa conservación, ademais de contribuír á seguridade alimentaria e saúde pública.

“Sorprendeume a  cantidade de  liñas de investigación que se seguen  na Fundación, e  agardo con impaciencia a poder participar de todas  aquelas  nas que a miña colaboración  poida resultar valiosa”, comentou un dos investigadores. Certamente, a Fundación aplica un enfoque transdiciplinar, que unha bióloga resumiu así: “gustoume o feito de contar con persoas de distintas especialidades, é un aspecto moi positivo pois ademais de achegar no noso campo, temos oportunidades de aprender sobre outros”. Un investigador da Área Social expresou o seu intenso desexo de “deixar a miña pegada persoal nestes proxectos que contribúen ao cambio”.

BALANCE MOI POSITIVO

Para expresar o balance desta xornada de integración, reproducimos algunhas manifestacións do grupo de persoas beneficiarias. “A miña valoración xeral é positiva, hai moito que tratar e cubriuse bastante ben sen chegar a ser desbordante”; “encantoume”; “moi ben ideada para coñecernos”; “incriblemente ben”; “moi interesante e  motivadora, permitiu crear conciencia de grupo“; “moi satisfactoria con actividades que facilitan novas relacións entre os novos compañeiros”; “a impresión xeral é moi boa e realmente superou as miñas expectativas”; “moi práctica para coñecernos nun ambiente máis distendido”; “moi interesante, moi boa forma de fomentar o sentido de pertenza“; “moi motivante, a planificación foi adecuada, conformouse un equipo moi próximo e agradecido”, engade unha moza.

“Amena e  acolledora”; “unha marabilla, principalmente polo número de persoas que somos”; “gustáronme moito as actividades, son moi necesarias para coñecernos todos, foi moi agradable”; “gocei moito as actividades, fomentaron un bo ambiente para coñecernos que facilita enormemente a cooperación”; “estivo moi ben para promover a integración e o traballo en equipo”; “creamos cohesión de grupo moi rápido grazas ás dinámicas e gustoume o ambiente da Fundación”; “divísase un panorama optimista de persoas moi preparadas das que estou convencido que vou aprender moitísimo”. Para unha educadora social, “nunca tivera un primeiro día tan dinámico. Foi moi motivador e moi fácil para crear conciencia de equipo e coñecernos para poder traballar como grupo”.

Dúas impresións máis: “a miña valoración totalmente sincera é moi positiva. Pareceume moi favorable a forma na que se conseguiu que nos coñezamos entre todos, axudou a que sintamos moito máis cómodos”; “nunca me daban unha benvida tan entretida e  instructiva a partes iguais”.

“Interésanme moito os proxectos nos cales imos traballar, e estou a desexar coñecer en cales vou ser partícipe. Teño moitas ganas de traballar nesta Fundación, e despois deste gran primeiro día as miñas ganas aumentaron aínda máis. Quero aprender e dar todo de min por mellorar como profesional e poder ofrecer o máximo”.

Esta última impresión dunha especialista da Área Social, resume a xornada e anima aínda máis á Fundación Matrix a asegurar unha formación e traballo de investigación colaborativo orientado ás problemáticas de interese xeral. Con esforzo e compromiso lograrémolo.

A Fundación Matrix, Investigación y Desarrollo Sostenible incorpora talento científico, como entidade colaboradora e beneficiaria do Programa INVESTIGO, no marco do Plan de Recuperación, Transformación e Resiliencia da Xunta de Galicia financiado pola Unión Europea – Next Generation EU. Facilita a súa inserción no mercado laboral, contribuíndo a incrementar a competitividade da investigación e a innovación en Galicia.

Con esta iniciativa búscase incentivar a investigación entre a xuventude con talento científico e compromiso co desenvolvemento sostible na sociedade en todos os seus ámbitos.