13 Sep O cambio climático chega este trimestre aos centros educativos da provincia da Coruña

CLIMACO – 2021

O cambio climático chega este trimestre aos centros educativos da provincia da Coruña

A diagnose do clima actual e o coñecemento do cambio climático recente na provincia da Coruña será materia do segundo trimestre deste curso 21-22 para o alumnado de 1º ou 2º curso de Bacharelato dos centros de ensino públicos. O proxecto CLIMACO chega aos institutos para dar a coñecer de primeira man os resultados dunha investigación pioneira no noso país, grazas ao apoio da Deputación da Coruña.

A necesidade de adaptación da poboación ao cambio climático é unha realidade que tamén afecta á poboación xuvenil. A Deputación da Coruña, consciente da importancia deste asunto, promove a segunda edición do proxecto CLIMACO nesta provincia para facilitar o coñecemento e a sensibilización necesaria xa dende as aulas. No curso 20/21, preto de 1.500 adolescentes beneficiáronse deste proxecto.

Na Fase 2 do proxecto CLIMACO ampliarase o Atlas do Clima e o Atlas do cambio climático recente da provincia da Coruña, entre outras actividades.

Coa fin de facilitar a comprensión sobre o alcance do fenómeno do cambio climático aos mozos e mozas da provincia da Coruña, a Fundación Matrix levará a cabo no primeiro trimestre do curso 21-22 esta actividade de carácter totalmente gratuíto nos centros que así o soliciten.

Así, o investigador responsable do proxecto CLIMACO, Alberto González, impartirá unha charla divulgativa para alumnado de 1º e 2º de Bacharelato, e a Fundación Matrix ofrecerá ademáis a posibilidade de que as rapazas e rapaces participen con él nun coloquio online en directo.

Información e inscricións

A participación nesta actividade, que se desenvolve en horario lectivo, é completamente gratuíta. O prazo de inscricións permanece aberto dende setembro e os centros de ensino só teñen que dirixir a súa solicitude de inscrición ao buzón educacion@fundacionmatrix.es indicando:

• Nome do centro educativo
• Nome do/a docente responsable
• Niveis (1º e 2 de Bacharelato) e número de alumnos
• Preferencia horaria: primeira quenda (a clase antes do recreo) ou segunda quenda (a clase despois do recreo)

Para garantir a seguridade na situación de alerta pola COVID-19, a Fundación Matrix desenvolverá todas as actividades de xeito telemático, tratando de facilitar ao máximo o encadre nas axendas escolares conforme á programación dos distintos centros.

Compromiso social e contribución aos ODS

A Fundación Matrix lidera e desenvolve a investigación do cambio climático en Galicia cun proxecto pioneiro como CLIMACO, amosando en particular o seu su firme compromiso cos Objetivos de Desenvolvemento Sostible (ODS) de Nacións Unidas, concretamente o ODS 13, Acción polo Clima e o ODS 3, Saúde e benestar social, coñecida a vulnerabilidade da poboación humana ao cambio climático.

O proxecto CLIMACO – 2021 aborda a problemática do cambio climático na provincia da Coruña froito dunha investigación pioneira en España e co apoio da DEPUTACIÓN DA CORUÑA.

Contido actualizado: 16/09/21

Artigos divulgativos:

Cambio climático recente na provincia da Coruña

Clima actual da provincia da Coruña